حد فيكوا سمع عن الاتيكيت !!وربنا يستر علينا

">تعرفي يعني إيه .. إتيكيت الأكل ؟ [ندعوك للتسجيل في المنتدى أو التعريف بنفسك لمعاينة هذه الصورة]

أجمل مافي الخطوبة العزومات والخروج والفسح وخاصة لو كانت غداً علي مطعم ع
النيل عشان كده لازم كل آنسة لو ربنا يعني فك عقدتها واتخطبت تركز شوية في
طريقة الأكل قبل الزواج وخاصة في عزومة خطيبها لو كانت عايزة تشوف مطاعم
تاني بعد الزواج.. خدي بالك كويس من النصايح دي وابقي ادعي لنا:-النصايح دى مش اى حد يقولها اسير الظلام بس هوه الى يقولها [ندعوك للتسجيل في المنتدى أو التعريف بنفسك لمعاينة هذه الصورة]
"1" الشوكة والسكينة:- لازم تعرفي كويس ربنا يهديك أن الشوكة لازم تتمسك
من ايدها من الطرف يعني مش من الوسط ولا من البوز وبطلي أفلام الرعب اللي
بتتفرجي عليها.. مش خنجر هو! [ندعوك للتسجيل في المنتدى أو التعريف بنفسك لمعاينة هذه الصورة]

"2" العيش:- أوعي تفضحينا وتقطعي العيش بسنانك أو تقطعيه نصين بايدك وكل
نص وابلع!! العيش ياماما يتقطع بالسكينة في الطبق وبعدين تاخدي لقمة
وتأكليها بالعافية.. قال يعني نفسك مسدودة!
[ندعوك للتسجيل في المنتدى أو التعريف بنفسك لمعاينة هذه الصورة]
"3" الشوربة:- ابوس كعب رجلك.. البند ده مهم جداً.. الشوربة تتشرب من غير
صوت خالص ومن غير ماتقعدي تنفخي فيها زي القهوجي اللي بينفخ حجر الشيشة
للزبون! أهم شيء بالملعقة وبدون صوت حتي لو كانت مولعة برضه من غير صوت!
وماتنسيش تسيبي تلت الطبق مليان! [ندعوك للتسجيل في المنتدى أو التعريف بنفسك لمعاينة هذه الصورة]

"4" الأرز:- الرز طبعاً بيتاكل بالشوكة.. هي دي المفاجأة.. أوعي تمدي ايدك
ع المعلقة وتغرفي من الطبق وتعبي.. الرز بالشوكة كأنك بالظبط بتبوسيه مش
بتاكليه! [ندعوك للتسجيل في المنتدى أو التعريف بنفسك لمعاينة هذه الصورة]

"5" السمك:- مشكلة كبيرة شوية.. بس ركزي معانا عشان تعرفي ازاي تفصلي
اللحم عن الشوك.. تقطعي اللحمة من النص بالطول.. بعدين إفردي اللحم علي
الناحيتين ولا تقلبي السمكة.. من غير فضايح شيلي السلسلة بالشوكة والسكينة
وحطيها في جنب الطبق وكلي النص التاني ولا أقولك بلاش الفيلم الهندي ده
كله.. قولي ما حبش السمك واخلصي وخلصينا!! [ندعوك للتسجيل في المنتدى أو التعريف بنفسك لمعاينة هذه الصورة]

"6" المكرونة الاسباجتي:- برضه بالشوكة.. تتلف علي طرف الشوكة لحد ماتخلص وبعدين في هدوء ومن سكات تاكيلها بلاش شفط عود عود! [ندعوك للتسجيل في المنتدى أو التعريف بنفسك لمعاينة هذه الصورة]

"7" الجمبري.. يعني لو كنتي تعرفيه! أول ماينزل الطبق اللي فيه الجمبري
بصي له كده من تحت لتحت قال يعني زهقانة من كتر أكل الجمبري الجامبو في
اليخت بتاع الحاج ربنا يخليه.. اتنهدي بالراحة وقولي ايه ده هو الجمبري
ورايا ورايا.. المهم تروحي قاطعة راس الجمبري بالشوكة وارجوك انسي خالص
انك تمصمصي الجمبري قدام عريسك! [ندعوك للتسجيل في المنتدى أو التعريف بنفسك لمعاينة هذه الصورة]

"8" الفاكهة:- لو فيها بزر اتاكدي انك تطليعها الأول بالشوكة برضه وتحطيها في أي طفاية موجودة..
* النهاية:- أول ماتخلصي أكل تحطي ايدك علي بطنك رغم أن كل العصافير بتزمر
من الأصناف اللي شميتها وتقولي مش قادرة.. مش ممكن أول مرة اكل كده قدامي
اسبوع علي ما افكر اكل تاني وبعدين تمسكي الفوطة اللي قدامك وتروحي ماسحة
بيها فمك كأنك بتبوسيها وبعدين استأذني عشان تروحي تعدلي مكياجك.. أول
ماتدخلي التواليت تروحي مطلعة من شنطة ايدك سندوتش الفول المتين وشوية
زتون وفحل بصل وقرن فلفل.. واديها بالهنا والشفا عشان تقدري تصلبي طولك
وأنت مروحة[ندعوك للتسجيل في المنتدى أو التعريف بنفسك لمعاينة هذه الصورة] !!

» اليكى بعض النصائح لتتعلمى فن واصول الاتيكيت
» طلع الشهر علينا
» كلمات انجليزية يجب علينا تجنبها‏
» ربنا يستر فى التوبيك ده وما تحصلش خناقه بين الولاد والبنات او الرجال والنساء هههههههههه