اسئلة ملهاش اى لزمة و منفهمش بتتقال ليه

دول شوية اسئله مفيش حد مبيتسالهمش

اقراهم وقولي رايك

-لابس و متشيك و ضارب الجل فى شعرك و ريحت البارفان جايبة لغايه اخر
الشارع و بتفتح باب الشقة و جاي تنزل تلاقى حد من البيت شافك يقولك ( ايه
ده هو انت خارج ؟ )

- لا بجرب افتح الباب اصلهم قالوا فى صباح الخير يا مصر انه الحركة ديه بتنمى الذكاء

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
خلصت خروجت و راجع البيت بتفتح الباب و داخل تلاقي الى بينده عليك بعد ما دخلت

زكريا ترد و تقول نعم يقولك ( انت جيت ؟ )

- لا لسه لما اجى هاقولكم

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ

قاعد فى اوضتك و كبس عليك النوم اومت اتغطيت و مظبط حالك و طفيت نور
الاوضة و لسه بتغمض عينك تلاقى حد بيفتح عليك باب الاوضة ويقولك (ايه ده
هو انت هتنام ؟)

- اكيد لا م انت شايفنى برقص باليه اهوه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ

او خلاص اتغطيت و طفيت نور الاوضة و عينك هتبتدى تروح فى النوم تلاقى حد بينادى عليك من اوضة تانية

يا حسنين ترد وتقول نعم يقولك ( انت نمت ؟ )

- يااااااااه فى سابع نومة و بتفرج على كابوس كمان
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

او روحت مسكت التليفون مسكته و لسه بتضغط عالارقام عشان تتصل تلاقى الى بيقولك
(ايه هو انت هتتكلم فى التليفون و لا ايه ؟)

- لا يا عم دا الكابتن فى الجيم قالى على تمرين صوابع بعمله عالتليفون
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

او معزومين عند ناس و لاحاجة و راييحين ترنوا الجرس يفتحلكم طفل او طفلة عساسيييييل اوى يقولكم
( ايه ده انتوا جيتوا؟)

- معلش يا بنى العيب مش عليك انت لسه صغير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

رايح عند بتاع عصير القصب تقوله سلام عليكم فى خروب
يقولك فى سوبيا و عصير قصب و تمر هندى و دوم و مانجة وبرتقال

- طب يا عم قولى مفيش و خلاص ( جربوا السؤال ده بالذات )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

يجيى الراجل نازل من بيتهم الصبح ضارب البدلة و ماسك الشنطة و لسه بيدور
العربية و جاى يطلع يلاقى البواب بيخبطله عالازاز و يقوله ( هو انت رايح
الشغل يا بيه ؟ )

- لا يا عم رايح العب نيد فور سبيد مع صحابى
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

او التليفون رن و رحت رديت قعدت ترغى مع الى اتصل شوية و فى الاخر قفلت السكة

تلاقى بعد شوية حد جاى يقولك (كان حد عايزنى عالتليفون ؟ )

اه يا عم بس انا كلمته بالنيابة عنك و بعدين قفلت معاه ما اكيد لو حد عايزك كنت نادلتك يعنى
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

او بتكلم واحد صاحبك من على تليفون البيت تلاقيه بيقولك (انت فين دلوقتى يا بنى ؟)

يااااااااااااه يا عم دانا فى جمصة بصيف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

او يا سلام بقي عايز تروح حتة وتايه مش عارف توصلها قولت اسئل حد تقابل حد
تقوله لو سمحت ما تعرفش شارع كذه فين يقولك ( هما قالولك فين ؟ )

طب انا لو عارف هسئل حضرتك على انهى اساس يعنى
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

و نخش عالتليفزيوووووووووووووووووووووووووون بقى
^^^^^^^^^^^^^^^^^^^^^^^^^^^^^^^^^^^^^^^^
تلاقى المذيعة فى برامج الاهداءات بترد على اتصال طفل صغير عندك كام سنة يا عمر يقولها 5 سنين تقوله
( انت بتحب بابا و ماما يا عمر ؟)

يعنى اكيد الواد لسه ما طلعلوش عرق الندالة و هيقولك دانا متخانق معاهم وسايبلهم البيت يعنى
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

ولا فى برنامج تانى واحد يتصل ترغى معاه شويه و فى الاخر تقوله تسمع معانا
اغنية ايه يقولها مثلا اغنية تملى معاك بتاعت عمرو دياب تقوله( ايه ده انت
بتحب الاغنية ديه؟ )

لا طبعا طالبها عشان اشوفها كام دقيقة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

او واحد متصل ليلة العيد تقوله ياترى هتقول ايه بقى لصحابك و قرايبك وجرانك و اخواتك و الدنيا كلها

اكيد هقولهم البقاء لله و نلتقى بعد الفاصل

__________________

تسلم اديك يا رحمه التوبك الجاااااااامد ده