الجزء الاول من اجمل قصصه رومانسيه من جوبا

بأول ايام العمــر التقيت فيهـا ...
من يوم ماشفتـها قلبي اهديته لهـا
كنت اقرى واشوف عبارات وامثال عربيه
عن الحب والرومنسيه
الحب من اول نظره
وكنت اضحك واضحك لاسمعتها
واقول في داخلي
معقول حب ويدوم سنين ويكون من اول نظره
من العين...
احكي لكم روايتي مع بنتٍ اخذت روحـي معها
في يوم من ايام العمـــــــــر
نادانــي الوالد من داخـل الدار
وصلت عندهـ ولحد باب مجلسـه
قلت له .. سم يابو محمد
قال : سم الله عدوك ياولدي
محمد انت كبـرت واصبحت تفهم الحـال
وتفهم كلامــي اللي بقولـه لك..
ياولدي لاتقاطعني واتركني انهي حديثي
وارجوك لاتلومني على شي فات ..
أنــا من كلام الوالد خفت وتوقف الدم بعروقي
رفعت له نظري وقلت له : لبيك يابوي .. اسمعك
الوالد: انت لك عم وانا مقـاطعه من سنين بسبب
مشاكل دارت بيني وبينه..
وانا احس أن ايامي بدت تودعنــــي .. أن نبضاتي في يوم بتعلن رحيلي
حاولت انطق واقول يالله يومي قبل يومك.. رفع يدهـ
وقال ارجوك لاتنطقهـا لو اهديك ثواني عمري الباقي ولااشوفك قبلي..
الدمع مني نزل وانا بعمري مابكيت..
قلت له يبه .. آمرني باللي تبيـه..
قال .. ابي اشوف اخوي ..عمك,,قبل مماتي
قلت .. غالي والطلب رخيص..
واتفقنـــا على اننـــا في يوم نسـافر لديـار عمـي المجهول..
وصلنـــا للخبــــــــــر .. مكـان مايسكن بديت اتبع وصف ابوي ,, وانا متعجب من وين يعرف عنوانه
فضولي زاد وسـألته..
جاوبني وقال.. اخبـاره اتابعها يوم بيوم ولانسيته دايم الدوم..
قال ابوي: هنـــا وقف يامحمد
قلت هنـــااا!!! انا قدام قصـــر كبيـــر
وصلني الرد ..عمك تـاجـــر ومعروف ..
دقينـا البـاب اقصـد بوابـة القصــــــر العظيم
بعد ثواني كنـــا في داخــل بهـــو واســـع .. باين أن مجلس عمـي لرجاله ..
جلس ابوي وانا المح بعيونه نظرات الخوف والتردد
انتظرنـا ووصل السيــــــــــد وصاحب القصـر
وبعد الترحيب والتحيـه
لاحظت عمي يكلم ابوي في برود
سأله عني .. قال ابوي هذا ولدي محمد ... اخبـــار بنتك ياخوي ..؟؟
تعجب عمي وقال ومن وين تعرف أن عندي بنت..
رد عليه بنفس الجواب القديم ..
مرت دقايق يتحاورون ويتكلمون
وشوي شوي الصوت تجـاوز جدران البهو الوسيـع
ابوي كان هادي لكن عمي كان غاضب .. ويتوعد
نطق بكلمـه وقال .. لايمكن انسـى اللي سويته فيني
قال ابوي .. هذا شي قديم مضى ماله معنى
وانا ياخوي احس مماتي قريب
لاتحرمني منك باقي عمري
حاولت اتكلم نظره من ابوي ...تركتني اتراجع عن قراري
وبصوت حاد وبقسـوة قلب نطق عمي وقال
اطلـــع برى هالقصـــــــر انت وولدك ولاتحلم اني اغفر لك
ترجيت الوالد وقلت مكان انهنت فيه يابو محمد مانجلس به ثواني
وبلا موعـــد مع القدر
حوريـه او ملاك ..
دخلت المجلس وبجنون .. ودمعها على الخد يسري
وصوت نوحها يسمعه القاصي قبل الداني
وارتمت بحضن ابوي .. وبكت ..
وقالت عمـــي لاتتركنـا سامح ابوي
مالي احد غيركم لاتتركنـااا
ومن خلفها صرخـه تردد صداها
ريــــم .. اطلعي .. ماهو عمك .. مالك بها الدنيـا احد غيري أنـا
تررد الملاك رفعت الراس وضمت كف ابوي وقبلتـها
ونطقت سامحني ومشت مترددهـ تطالعنــا بعيون كلها حيرهـ..
عمي قال: المقابله انتهت وانا وقتي مايسمح..
بعد 8 سـاعات كنـا في بيتنــا وبوسط الرياض
ابوي اخذ الصمت له عنوان
وانا احترمت صمتـه..
قال ابوي.. هذا عمك مهمـا صار
قلت يبه .. الشي اللي مضى اكيد قوي وخطيـر
عمـي ماهو ناسيـــه وعايش معه لوقته الحـاضـر
قال: امك المرحومـه هي الي عمك ماهو ناسيهـا..
فهمت قصــدهـ من دون مايتكلم اكثــــر .. ابوي تزوج من امـي
والعم كان يريدهـا قبل..
قصـه ولا في الخيـــاال..
مرت سنـــه وانا طيف ريم ودمعها مافارق خيـالي ثواني
اصبحت بأحلامـي وواقعــي تتبعنــــي..
كأني مافارقتها يوم ,, ياما حلمت ورسمت ايام عمري معاها
لبستـهـا ثوب العروسـه ووقفت معها يديني تحضن كفوفهـا