اسير الظلام
مدير الموقع
 عدد المساهمات : 2167
النقاط : 4240
السٌّمعَة : 12
تاريخ التسجيل : 08/03/2009
العمل : اى Øاجه دايس Ùيها
المزاج : على طول مهيس وادام مهيس يبقا اكيد كويس
 |  موضوع: ...التاريخ بيعشق الفشل !! ...  السبت 20 فبراير 2010 - 18:22 | |
|
- حنفى ..
- خلاص هتنزل المرادى .. بس اعملى
حسابك .. ان انا الرجل .. ااااااااااااااه (( وبيأكد قوى على حتة اه دى ))
وان كلمتى لا ممكن تنزل الارض (( لا حمش ))
حنفى .. وام عزيزه .. اكبر دليل على ان العلاقة بين الراجل والست .. زى
العلاقه بين العرب واسرائيل .. بيحابوا بعض .. اه .. مش طايقين بعض اه ..
لكن مايقدروش يستغنوا عن بعض ..
كل قصص الحب اللى خلدها التاريخ انتهت بالفشل .. روميو وجولييت ..قيس
وليلى .. عنترة وعبله .. وبيتهألى ان القصص دى لو نجحت مكناش هنتكلم عنها
النهارده .. التاريخ ياجماعه بيعشق الفشل .. تحسوا كده انه بينه وبين
النجاح تار بايت ..
فكرتى المتواضعه جدا عن الحب .. انه علاقه بتجمع اتنين .. مشاعر مبنقدرش
اننا نوصفها .. احاسيس ميعرفهاش غير اللى داق الحب .. او اتكوى بناره ..
لكن برضه اعرف ان الحب مرتبط الى حد كبير جدا بالعذاب .. وجايز يكون عذاب
الحب هو سبب متعته .. لكنى بقدم نصيحه لكل اللى بيحبوا .. انت او انتى
قدامك طريقين يا تفشل فى الحب .. ويخلدك التاريخ مع العمالقه .. ياما تنجح
.. وتبقى معملتش اى حاجه ..
اما الناس اللى لسه بتفكر تحب .. فنصيحه بلاش .. لان التاريخ ممكن يسجلك لو فشلك فى اى حاجه تانيه ..
اشوفكو ان شاء الله فى مواضيع جديده
| |
|
