البنوته احسن من الولد

بعد التدقيق والتدوير والتنقيب اثبتت التحريات ان البنت احسن من الولد لهذه الاسباب التالية:

- تتكلم براحتها في التليفون وابوها او جوزها اللي هيدفع الفاتوره.

- البنت مش ملزمة تجهز نفسها ابوها او خطيبها اللي هايدفعوا دم قلبهم.

- مفيش حد بيبص علي بدلة العريس كله بيركز في فستان العروسة.

- لو واحده عملت مخالفه مرور تعيط شويه للظابط وهو يعديها لو راجل هياخد علي دماغه.

- البنت مش ملزمة تدفع ضرايب ابوها او جوزها بيدفعوها.

- لو واحده لم تعطى لقرايبها عديه مفيش حد هيتكلم ولا يقول ياه دا راجل تبت وبخيل.

- لو واحده متأخره علي المحاضرة ممكن الدكاترة يدخلوها لو ولد يقولوله روح يا بابا كمل بره في الشمس.

- لو حصل زعل بين البنت وباباها مش هيطردها بره البيت بس هي يدوب تدخل الاوضة وتعيط شويه .. وبابا يروح ي

صالحها.. أما الولد فيدوب يلحق مكان ينام فيه جنب البواب.

أما عن الفرق بين دلع البنات والاولاد فهو :

ياختي كميله ( سنتين)

يا عسوله (5 سنين)

يا عروسه (12سنه)

يا قمر (18سنة)

يا هانم (40سنة)

يا ست الكل (50سنة)

يا أم العيال (60سنة)

دلع الأولاد:

انت ياد (10 سنين)

انت يا شحط انت بقيت طول الباب اهوه (18 سنة)

يا راجل (40 سنة)

يا عم الحج (50 سنة)

يا راجل يا عجوز منخيرك اد الكوز (60سنة)