اية احلا حاجة في مصر ....

وقت
طويل يستغرقه المواطن المصري للإجابة عن السؤال: إيه أكتر حاجة حلوة في
مصر؟.. وقد يغادرك دون أن يجد إجابة أويقتنع بالإجابة التي يقولها.. لكن
السؤال يظل معه يسأله لنفسه ويتردد في ذهنه.

وبين ابتسامة أو انصراف دون رد تراوحت ردود أفعال المواطنين الذين توجهت
إليهم «المصري اليوم» بالسؤال، وحاولت استطلاع أرائهم في مفهوم «مصر
الحلوة»، فلم يجد أكثرهم في مصر سوي نيل يجري وأهرامات صامدة وناس طيبة،
ولم يقترب أحدهم من واقع لا يرون فيه أي جمال.

ورغم اعتراض بسام محمد حسين علي أسلوب معاملة المصريين لبعضهم البعض، فإنه
مازال يعتبر الترابط الشديد بين الناس هو أحلي حاجة في مصر، وذلك حسب
خبرته وسنه الصغيرة ١٩ عاما فهو لايزال طالبا في معهد فني تجاري، أما
نادية محمد ربة منزل فتعتبر أن جوامع مصر هي أحلي ما فيها، وكمان الإسلام،
ربما لا تدرك أن الإسلام ليس مصريا.

ابتسامة عريضة أعقبها عماد محمود موظف (٢٥ عاما) بتفكير عميق قبل أن يجيب:
بصراحة مش عارف أقول إيه.. هوما ينفعش السؤال يتقلب ويبقي إيه أوحش حاجة
في مصر؟.. علي العموم أنا حاسس إن فيه ناس كويسة، وإن البلد كويسة بس
العيب فينا.. وكمان الأهرامات حلوة.

ولم ينته الحديث عن ناس مصر الكويسة بعد، علي الأقل من وجهة نظر أحمد أحمد
محجوب (سائق ـ ٤٥عاما) فهم في نظره أحسن حاجة في مصر، وطبعا أطفاله
الثلاثة، بينما كان نبيل شهدي (٧٣ عاما ـ معاش) أكثر تحديدا حينما قصر مصر
الحلوة علي روح شعبها والمختلفة قطعا عن تصرفاته، ولم يتردد ممدوح سيد (٥٣
عاما ـ أعمال حرة) في الإجابة.. لحظة واحدة واندفع قائلا: أحلي حاجة في
مصر إنها مصر أم الدنيا، لكن زوجته فاطمة أدركت أن رده دون معني فاندفعت
هي الأخري: أظن أحلي حاجة في مصر دلوقتي هي المنتخب.. ربنا معاه.

وانضم محمود عوض (محام ـ ٢٧ عاما) إلي القائمة التي لم تجد أحلي من الروح
الحلوة بين الشعب كأحلي حاجة في مصر، رغم أنها لم تعد موجودة بكثرة، لكنها
تظهر في وقت الشدة، ولأننا أصحاب حضارة عريقة رشحتها شيرين إبراهيم (موظفة
ـ ٢٨ عاما) لتصبح أحلي حاجة في مصر، واعتبرتها سببا كافيا، لأن تصبح مصر
أهم دول العالم.

وعلي أحد الأرصفة استراح حسان محمد صالح (٤٧عاما) وزوجته صباح في انتظار
الأتوبيس ليعودا إلي بلدتهما في قليوب، وداخل كل منهما قناعة بأن أحلي
حاجة في مصر هي الأرياف وروح القرية، وإلي جوارهما بخطوات وقفت تحية عبده
(٥٢ عاما ـ موظفة) تصر وتقسم بأن موضوعنا مش جايب همه،
لأن مفيش حاجة حلوة في مصر: بالعكس دي كلها شقا والشعب كله تعبان ومبقاش
فيها حاجة تفرح، أما محمد جودة إبراهيم (٥٥ عاما ـموظف) فيقول: والله أحلي
حاجة في مصر هوالإيمان، ولوالإيمان ده راح قول علي البلد دي يا رحمن يا
رحيم.

دي كانت آراء شرائح عشوائية من شعب مصر
بس أنا عن نفسي لو سألوني إيه أحلى حاجه ف مصر

مش هبص لعيوبها لأن كل بلد فيها وفيها

ولا هبص للمظاهر ولا النظام ولا السياسه

لان كل ده ملناش فيه لا هنقدم ولا هنأخر ولا كلامنا هيغير حاجه
كان غيرنا اشطر بل بالعكس

ولا هابص لمواصلاتها لإن طبيعي الزحمه تكون في كل مكان

ولا هابص على بطالتها لان البطاله في موظبيك والسودان

ولا هابص على الغش والسرقه اللي فيها لان السرقه في كل زمان

صراحه انا ما بقتش عارف ابص على ايه

انا اتعميت من كتر ما مش لاقي حاجه ابص عليها

يعني بالمختصر المفيد مصر حلوة لأنها مصر واني طلعت مصري

غيري محروم انه يشوفها او بس يلمس ترابها

الموضوع ده منقول

المهم

إنت وإنتي
[ندعوك للتسجيل في المنتدى أو التعريف بنفسك لمعاينة هذه الصورة]

مصر بالنسبالك اية بقى.....؟

إيه أحلى حاجه في مصر ؟؟

اية اوحش حاجة في مصر ؟؟

رسمت مصر في خيالك ازاي ؟؟

ياريت كل واحد يتكلم بصراحه ومن القلب

">
مصر بالنسبالك اية بقى.....؟
كل حاجة بمعنى الكلمة

إيه أحلى حاجه في مصر ؟؟
خفة دم ولادها

اية اوحش حاجة في مصر ؟؟
اللى بيحكمها

رسمت مصر في خيالك ازاي ؟؟
مش عارفة انا جيبتها شمال يمين مجتش معايا غير انها فعلا عاملة زى الام اللى بتدى من غير ما تستنى اى مقابل والى عندها استعداد تعمل اى حاجة عشان تسعد ولادها

">
مصر بالنسبالك اية بقى.....؟
بلدى طبعا وبحبها وعاوزة ااسافر وابعد علشان اعرف قيمتها فى مثل بيقول متعرفش قيمة ال فى ايديك عير اما يضيع منك
إيه أحلى حاجه في مصر ؟؟
الحب والطيبة ال فى شعبها
اية اوحش حاجة في مصر ؟؟
الحكومة ال مسكاها
رسمت مصر في خيالك ازاي ؟؟

البلد ال كل البلاد بتيجى عليها وهى موافقة انها تحتوى كل البلاد

» اغانى حزينة اخر حاجة
» ارق دعوة فرح بجد حاجة رقيقة اوى
» شوية فساتين جامدين اخر حاجة
» ازاى تكون شاب مقرف آخر حاجة....
» §¤~^~¤ مخنوق من حاجة تعالى نرغى سوا §¤~^~¤