كلام في النت

[ندعوك للتسجيل في المنتدى أو التعريف بنفسك لمعاينة هذه الصورة]

ظاهرة منتشرة من زمان أوى على النت
والنهاردة بقى هديكوا ملخص عن الحب فى المنتديات
اتنين مواكيس بيتقابلوا فى توبيك من أول نظرة للعينيها
قصدى للصورة الرمزية بتاعتها بيحبها ياعينى ياعينى
بعديها يبتدى يرد على كل موضوعاتها
وبعد كدا يتدهور الحال برسالة فى الملف الشخصى يقولها أنا معجب بيك
وفى سرعة الضوء يوصلة الرد وأنا كمان

وشوية والتوقيع يتملى كلام حب وبحبك وبموووت فيكى وأنا لقيت اللى بدور علية
على أساس أنة كان ضايع منه ربع جنية مخروم ولقاة يعنى

وفى البرايفيت بقى يكملوا قصة حب ميرفت وعيلاء وشادية وعبد الحليم

[ندعوك للتسجيل في المنتدى أو التعريف بنفسك لمعاينة هذه الصورة]

المشكلة أن معظم العلاقات اللى على النت بتكون مبنية على الكدب
الولد يقعد يقولها أنا شغال فى شركة أدوية بقى وبراشيم
وحوارات فاشلة وساكن فى فيلا فى المهندسين
وهو أصلا تلاقية شغال بواب فى عمارة فى التجمع الخامس
وعندة أوضة تحت بير الزلم
والبنات برضة ساعات بيعملوا حوارات
يعنى معظمة كدب فى كدب
( طبعا مش كل البنات ومش كل الولاد )

يعنى من الأخر كل واحد فينا ساعات بيتكلم مع ناس والناس دول بيبقوا
أبطال العالم فى الحوارات والاشتغالات

وفي النهايه

[ندعوك للتسجيل في المنتدى أو التعريف بنفسك لمعاينة هذه الصورة]

ياترى أنت بقى حسيت أن فية واحد أو واحدة بتكلمها بيكدب عليك ؟؟
ولو حسيت بكدة بتنفض ولا بتقطع علاقتك بية ؟؟؟

**كلام في النت**

كلام في النت