احاسيس صعب تحملها

في احاسيس بنحسها ف حياتنا بتؤدي الي انهيار مشاعرنا وانهيار حياتنا في مننا القوي الذي يتحمل ولا ينهار وفي الضعيف الذي يضعف ولا يتحمل شئ فما هي؟

1-لما تحب انسان اوي ومخبي جواك خوفا لا يكون مش بيحبك
2-اما تحب انسان اوي وتلاقيه بيحب حد تاني
3-انك تسيب انسان وتفضل تحبه من جواك وفاهم انه هو كمان لسة بيحبك وتلاقيه حب حد تاني وتحديدا من اصحابك
4-انك تكون بتحب انسان لدرجة ان ميفرقكوش غير الموت وانك تكون شايفه ملاك مش بيغلط وتلاقيه بيخونك و بيكدب عليك
5-انك تحس ان الانسان اللي بتحبه ده انت بره حياته
6-لما تكون مخلص اوي للي بتحبه ويطلع بيلعب بيك
7-لما تكون شايف ان الدنيا دي كلها ملايكة وتكتشف الحقيقة ان الملايكة فيها من الاشياء النادرة
8-انك تبقي هتموتي وتشوفي اللي بتحبيه وتحسي انه مش عايز يشوفك
9-انك تكوني بتسهليله حاجات كتير وهو بيعقدها
10-انك تديله كل حاجة وهو ميدكيش اي حاجة او انك تقولي للناس كلها انك بتحبيه وتكتشفي انه بيلعب بيكي
12-انك تتحدي اصحابك او تتحدي اي حد وتخسري الكل عشانه او لانك متخيلة انه هيبقي هو حبيبك وصديقك واخوكي وكل حاجة وتلاقيه هو ميستاهلش ولا اي حاجة من كل ده
13-انك تعرفيه على واحدة صاحبتك وفجأة تلاقيه راح يخطبها
14-انك تحكي لصاحبتك على مشكلة بينكم وهي تقولك اكلمه بدافع انها تحلهالك وتلاقيها لخبطة الدنيا زيادة واخدته منك وتكتشفي انه سابك بسببها
15-انك تلاقي اقرب الناس ليكي بيتكلم عليكي بالكدب
16-انك تضيعي من ايدك فرص كتير وناس كويسين عشان انتي بتحبي انسان ويتطلع بيلعب يومين وخلاص
17-لما اصحابك يحزروكي منه كتير ويقولولك انهم بيشوفوا كتير مع بنات وانتي متصدقيش ويطلع كلامهم صح ف الاخر
18-انك تتحطي ف موقف ان واحدة صاحبتك اتجوزت حبيبك الاول وتطلب منك ان انتي اللي تصلحيلهم مشاكلهم
19-لما تتعزمي ف فرح حبيبك .في بنات هتروح عشان تثبت لنفسها انها خلاص مفيش حاجة وفي هتروح عشان تشوف اللي فضلها عليها وفي اللي هتروح عند وفي اللي مش هيروح خالص
20-اما توقفي وتشوفي بعينك اللي كان بيعمله معاكي حبيبك بيعمله مع حد تاني ومش قادرة تعملي حاجة غير انك تسكتي
21-انك تبقي خايفة عليه وقلقان عليه جدا وتلاقيه بيتكلم ببرود
22-انكون تتخانقوا خناقة كبيرة ويبقي هو الغلطانة ويطلعك انتي الغلطانة
اولا الكلام ده للولاد وللبنات
ثانيا تعقيب صغير على رقم 17 تحديدا مش معني الكلام ده ان اي كلمة تتقالك تسمعها الكلام للولاد بالكثر كمان مش عشان ده صاحبك اوي يبقي مش هيكدب لا طبعا انت لازم توريله انك واثق ف حبيبتك مليون ف المية ومتسمحلوش يتكلم عليها اصلا ولو قال حاجة مثلا حصلت او كدة مفيش مانع انك تحطها ف دماغك وتراقب من
بعيد لبعيد لكن برضه توريله انك بتثق فيها ومش بتقبل عليها كلام من اي حد

لكي نتجنب الاحاسيس والمواقف دي

1-متأمنيش لاي حد مهما كان حتي لو قريب صاحب اي حاجة ومتحكيش عنك اي حاجة احتفظي باسرارك لنفسك او احكي لمامتك هي اكتر واحدة هتقولك الصح
2-متحبيش اوي غير لما تتأكد ان فيه اعجاب متبادل يعني متحبيش على نفسك
3-احكي لحبيبك كل حاجة حصلت قبل ما تعرفيه عشان مهما يتقال تبقي حكياله على كل حاجة
4-قبل ما تدي لحبيبك اي حاجة لازم تكوني متأكدة انكوا هتكملوا مع بعض طبعا كل شئ نصيب بس متروحيش تحبي واحد بيتسلي وتدي كل حاجة وترجعي تزعلي ونفس الكلام للودل بس الولد مش بيبقي خسران زي البيت
5-متدخليش اي حد بينك وبينه مشاكلكم حلوها انتوا سوا من غير تدخل ولو الموضوع كبير ممكن تدخلي مامتك او اختك لكن لا بنت عمك ولا بنت خالك ولا صاحبتك ولا اي حد
6-مش اي حد تثقي فيه وتعرفيه علي حبيبك ويستحسن متعرفيهوش على حد غير اهلك ومش كلهم كمان التعارف بيبقي ف الخطوبة او ف الفرح ده التعارف الطبيعي ممكن تعرفيه على اصحابك اللي بتثقي فيهم
7-متصاحبيش غير بنت او بنتين بالكتير لو انتي مينفعش تحكي لمامتك ومعندكيش اخوات ممكن صاحبة تحكيلها وواحدة تعرف الموضوع من بعيد لبعيد متعرفش تفاصيل وكمان ميعرفوش كل حاجة
8-متبينيش قدامهم انك احسن منهم او انك واخدة واحد ولا واحدة تعرف تحب زيه لان اي بنت بتحب انسان بجد بتعد تقول الكلام ده وتتفاخر بيه قدام اصحابها
9-ف بداية تعارفك بييه لازم تعرفيه انك بتحكي لمامتك كل حاجة وطبعا متكدبيش عليه لان الكداب نساي وهيبقي منظرك وحش جدا ولو فوتلك مرة مش هيفوتها تاني وف بداية العلاقة تحديدا مش هيفوت خالص
10-مش اي مشكلة صغيرة تحصل تقوليلوا نسيب بعض لان مرة على مرة هيزهق وهيسيبك وف النهاية انتي الخسرانة
11-حاولي متنفعليش ف رودو فعلك معاه لانه ممكن يكون بارد ف انتي اللي هتموتي م الغيظ مش هو

مشكورين على مروركم
نورتوا